ИЦС ГРУП е фирма во приватна сопственост, која брои 30 искусни инжињери, монтери и сервисери. Специјализирани сме за проектирање и изведба на системи за, греење, ладење, климатизација и вентилација, а нудиме и техничко-консултантски услуги, ревизија и надзор.

ИЦС ГРУП при проектирање и изведба на термотехничките системи и инсталации, наменети за комерцијални, резиденцијални и индустриски објекти, големо внимание посветува на имплементирање на решенија и опрема  со висока– енергетска ефикасност, кои користат обновливи извори на енергија (воздух, вода, земја, сонце).

Посебнa чест и привилегија ни преставува фактот што ИЦС ГРУП е дел од фамилијата на светски – престижниот производител на HVAС опрема , DAIKIN од Јапонија.

За овој бренд сме овластени дистрибутери за Македонија, и реализацијата на многуте термотехнички проекти и објекти, најчесто ја правиме со имплементирање на врвна опрема и технологија, преставени од палетата производи на DAIKIN.

За зголемување на ефикасноста во користењето на HVAC системите, ИЦС Груп дополнително реализира решенија и од областа на автоматизацијата и контролата на HVAC системите, но изработува и комплетни BMS (Building Management Systems) решенија, каде покрај HVAC системите, се интегрирани и осветлувањето, лифтови, струја, видео надзор, противпожарна заштита, водовод и други системи потребни за интегрирано функционирање на еден современ објект.